მეწარმეობის სექტორის მხარდამჭერი პროგრამის პრეზენტაცია – ბიზნესსექტორის წარმომადგენლებთან შეხვედრა 

თბილისი, 11 ივნისი. სასტუმრო „ბილტმორის“ საკონფერენციო დარბაზში გაიმართა “კონცეფცია-ქართული სახელმწიფოს” ბორდის ორგანიზებით გამართული გაფართოებული შეხვედრა, რომელსაც ესწრებოდნენ საქართველოში მოქმედი ბიზნესის ხელმძღვანელები და მენეჯერები სხვადასხვა სექტორიდან — მათ შორის ტურიზმის, საფინანსო, აგრარული, სამედიცინო და საგანმანათლებლო სფეროებიდან.

შეხვედრის მთავარი მიზანი იყო კერძო სექტორისა და სახელმწიფო სტრუქტურების თანამშრომლობის გაღრმავება, მეწარმეობის ხელშეწყობა და ინოვაციური მენეჯმენტის სტანდარტების დანერგვა.

მონაწილეებს წარედგინათ ორგანიზაციის სამომავლო სტრატეგია, რომელიც მიმართულია ქვეყნის ეკონომიკური პოტენციალის გაძლიერებისკენ, ახალი ინვესტიციების მოზიდვისკენ და ახალგაზრდა პროფესიონალთა დასაქმების ხელშეწყობისკენ.

შეხვედრა მიმდინარეობდა ღია დისკუსიის ფორმატში, სადაც დამსწრეებმა გააზიარეს საკუთარი გამოცდილება და წამოაყენეს კონკრეტული წინადადებები ბიზნესგარემოს გაუმჯობესების, ადმინისტრაციული ბარიერების შემცირების და რეგიონული განვითარების სტიმულირების მიმართულებით.

ღონისძიების ფარგლებში წარმოდგენილი იქნა მეწარმეობის მხარდამჭერი პროგრამა, რომელიც ითვალისწინებს მენეჯერული და მეწარმეობრივი უნარების განვითარების, პროფესიული სერტიფიცირების და საერთაშორისო სტანდარტების დანერგვის მექანიზმებს.

პროგრამაში ჩართულმა კვალიფიციურმა მენეჯერებმა და სპეციალისტებმა გამოხატეს მზადყოფნა, საკუთარი მრავალწლიანი გამოცდილებით ხელი შეუწყონ ინიციატივის განხორციელებას და მონაწილეობა მიიღონ ერთობლივ პროექტებში.

შეხვედრის დასრულებისას მხარეები შეთანხმდნენ, რომ მსგავსი ფორმატის დისკუსიები მომავალშიც გაგრძელდება, რაც ხელს შეუწყობს კერძო და საჯარო სექტორების პარტნიორობის განმტკიცებას და ეკონომიკური განვითარების ერთიანი ხედვის ჩამოყალიბებას.

📍კონცეფცია „ქართული სახელმწიფოს ბორდი“ მიზნად ისახავს ქვეყნის დემოკრატიული, ეკონომიკური და მმართველობითი სისტემების განვითარებას, ინოვაციური მენეჯმენტის მხარდაჭერას და სამართლიან, გამჭვირვალე ბიზნესგარემოს შექმნას საქართველოში.