თბილისი, 2023–2025 წლები. ინიციატივა „კონცეფცია – ქართული სახელმწიფო“ აგრძელებს აქტიურ საქმიანობას ქვეყნის სოციალურ-ეკონომიკური გაძლიერების მიმართულებით. ორგანიზაციამ განახორციელა ორი მნიშვნელოვანი პროექტი — „ფინანსები ყველასთვის“ და „უფასო კონსულტაცია ყველასთვის“, რომლებიც ემსახურება მოქალაქეთა ფინანსური ცოდნის ამაღლებასა და სოციალურ დახმარებას.

პროექტი 1: „ფინანსები ყველასთვის“

პროექტის მთავარი იდეაა საბაზისო ფინანსური განათლების გავრცელება სტარტაპ მეწარმეებში, რათა მათ შეძლონ საკუთარი ბიზნესის ეფექტურად დაგეგმვა და მართვა.

პროექტი განხორციელდა 2023 წლის აპრილში, თბილისში, ორგანიზაციის სათაო ოფისში. ჩატარდა ოთხი შეხვედრა, სადაც მონაწილეობა მიიღო დაახლოებით 30-მდე მოქალაქემ.
ტრენინგების ფარგლებში მონაწილეები გაეცნენ პირადი ფინანსების მართვის პრინციპებს, ბიუჯეტირებას, გადასახადების ადმინისტრირებასა და მცირე ბიზნესის ფინანსურ დაგეგმვას.

პროექტის მიზანია ქვეყანაში ფინანსურად განათლებული, დამოუკიდებელი და ეკონომიკურად აქტიური მოქალაქეების რაოდენობის ზრდა, რაც ხელს უწყობს სტარტაპ ეკოსისტემის განვითარებასა და მცირე ბიზნესის გაძლიერებას.

პროექტი 2: „უფასო კონსულტაცია ყველასთვის“

პროექტი ემსახურება მოსახლეობის სოციალურად დაუცველი და ეკონომიკურად გაჭირვებული ნაწილის დახმარებას, მათთვის უფასო სამართლებრივი, ფინანსური და საგადასახადო კონსულტაციების მიწოდებით.

ინიციატივა დაიწყო 2023 წლიდან და დღემდე წარმატებით გრძელდება.
კონსულტაციები მოქალაქეებისათვის ხელმისაწვდომია ტელეფონით, ონლაინ რეჟიმში ან ადგილზე – თბილისში, პეკინის გამზირის №33-ში.

პროექტით უკვე ისარგებლა რამდენიმე ასეულმა მოქალაქემ, რომლებმაც მიიღეს პრაქტიკული დახმარება სამართლებრივ საკითხებში, საგადასახადო ვალდებულებებში და ფინანსურ დაგეგმვაში.

„კონცეფცია – ქართული სახელმწიფოს“ მიზანი

ორგანიზაციის სტრატეგიული მიზანია მოქალაქეთა ეკონომიკური შესაძლებლობების გაძლიერება, სამოქალაქო განათლების ამაღლება და ისეთი გარემოს შექმნა, სადაც თითოეულ ადამიანს ექნება ფინანსური და სოციალური დამოუკიდებლობის რეალური შესაძლებლობა.